Градоначалничката на Град Скопје денес оствари средба со граѓанските здруженија „Го сакам Водно“ и „О2“. На средбата се разговараше за заштита на Водно, предизвиците и предлози за нивно трајно решавање.
„Итноста на состојбите налага да се донесе Lex specialis закон за Водно, чија рамка е креирана, а во чие финално изготвување ќе учествуваат експерти и претставници на граѓанските здруженија. Важно е да се креира трајно решение со цел оневозможување на понатамошна узурпација на парк-шумата Водно“, информираше Арсовска преку својот официјален фејсбук профил.
