Денеска во собранието не почна расправата за предлог законот за попис.
Пратеникот од ВМРО-ДПМНЕ Влатко Ѓорчев бараше точката да се тргне од дневен ред, а претседателот на комисијата Артан Груби од ДУИ ја прекина седницата.
Во барањето за тргање на точката од дневен ред Ѓорчев рече дека законот што се предлага не е во согласност со критериумите на Евростат и ОН.
Попис организиран според овој предлог закон нема да ги реши проблемите ќе ги зголеми нема да добиеме релевантни и веродостојни податоци – рече Ѓорчев.
Неофицијално во собранието се коментира дека тоа што на некој начин беше прифатено барањето за тргање на точката од дневен ред значи дека власта и опозицијата се уште преговараат по ова прашање.
На прашањето дали ќе има попис во 2020 година, Ѓорчев рече тешко со оваа влада.