Првиот човек на РБ Лајпциг, Оливер Минцлаф, неодамна потврди во интервју за Скај дека Тимо Вернер скоро сигурно нема да потпише нов договор со клубот од Лајпциг, а денес реномираниот Билд објави дека Вернер се договорил со Баерн Минхен.
Агентот за играчот, Карл-Хајнц Ферстер потврдил за Билд дека германскиот напаѓач се договорил со Баерн, а сега преостанува Нико Ковач да ја договори сумта за надомест за која Билд тврди дека изнесува околу 40 милиони евра.
Bayern remain favourites for the signing of Timo Werner but Leipzig want to give a chance to all interested clubs to bid in order to trigger a bidding war. Liverpool, Real Madrid and PSG are keeping an eye on the player. Leipzig want €40m at the very least [Bild] pic.twitter.com/atRAFqZyJa
— Bayern & Germany (@iMiaSanMia) April 14, 2019
Баерн е познат по тоа што „ги украде“ играчите од ривалите во Бундеслигата, а се чини дека Вернер се согласил да биде втора опција во Минхен по Роберт Левандовски само за да игра за клубот од срцето на Баварија.
Вернер постигна 14 гола оваа сезона во лигата и додаде 5 асистенции, па сосема е јасно зошто Баварците одлучија да го донесат. Покрај тоа, во последните неколку репрезентативни циклуси се стабилизираше како главна опција во нападот на германската репрезентација, што е пожелна опција за играчите на Баерн.