Швајцарските власти ја разгледуваат можноста за затворање на нивниот воздушен простор за цивилната авијација за време на самитот на руските и американските претседатели Владимир Путин и Џозеф Бајден, изјави претставникот на Федералното министерство за одбрана, Лоренц Фришнехт.
Како што рече, засега не е во можност да презентира повеќе информации на таа тема, но потврди дека има дискусија за тоа.
Покрај затворањето на воздушниот простор, се разгледуваат и мерките за распоредување дополнителни сили за противвоздушна одбрана, како и борбени авиони, со цел да се обезбеди безбедност на претседателот.
Да потсетиме, средбата меѓу претседателите на Русија и Соединетите држави е планирана на 16 јуни во Женева. Претходно, портпаролот на Белата куќа Џен Псаки изјави дека Бајден ќе разговара за стратешката стабилност, Украина и Белорусија на состанокот со неговиот руски колега.