На нешто повеќе од еден месец пред дебито на клубот на Дејвид Бекам, Интер Мајами во МЛС-лигата се погласни се шпекулациите околу имињата на фудбалерите кои ќе бидат во тимот.
Фудбалерот на Реал Мадрид Лука Модриќ, е на листата на желби на Бекам, кој според пишувањето на некои медиуми е подготвен дури и да му ја зголеми двојно повеќе платата за да се пресели во Мајами.
Модриќ има договор со Реал до летото 2021 година, а Интер Мајами за него би го искористил правилото кое го имаат МЛС клубовите, на три неограничени договори надвор од платата и би му понудил на Хрватот 20 милиони евра годишно.
Досега Бекам ова правило го нема искористено за ниту еден играч, но е подготвен тоа да го стори за потписот на Модриќ.