„Ако се вака стабилни проценките за финансиската состојба, зошто е потребно да се испраќа сигнал и да се одложува исплатата на дивидендите? Тоа е прашање што треба да се коментира министре“.
Вака, според „Независен“ , претседателот на Стопанската комора на Македонија, Бранко Азески им се обрати на вицепремиерот Фатмир Битиќи и на министерот за финансии Фатмир Бесими, кои денес имаа средба со членките на комората посветена на актуелните прашања важни за стопанствениците.
Министерот Бесими одговарајќи на новинарско прашање рече дека Буџетот е во стабилна кондиција, како и дека според последните показатели, очекува приходите во февруари да бидат поголеми од истиот месец минатата година, што е доказ дека економијата се враќа во нормала.