Државниот секретар на САД, Антони Блинкен, испрати писмо до шефот на дипломатијата, Бујар Османи, во кое честита 30-години независност и порачува дека САД се големи поддржувачи на Македонија.
– САД се покрај вас додека вие продолжувате со вашите напори за зголемување на просперитетот на сите ваши граѓани, унапредувајќи го владеењето на правото и засилувајќи ги вашите демократски институции. Македонија, исто така, ја има нашата непоколеблива поддршка и кога станува збор за остварување на вашите аспирации за членство во ЕУ, пишува Блинкен во писмото.
Блинкен во писмото вели дека САД со гордост ја поздравиле Македонија како 30 земја-членка во НАТО кое членство, според него, е доказ за посветеноста на земјата кон регионалните и глобалните мир и безбедност.
