Премиерката на Србија, Ана Брнабиќ изјави дека не ја исклучува можноста за саботажа во термоелектраната „Никола Тесла“ во Обреновац, велејќи дека сторителите ќе одговараат.
„Нестручноста и неспособноста секако влијаеше, но имаше ли нешто друго… Ми се чини дека е премногу случајно што откажаа сите шест блокови во исто време“, рече Брнабиќ.
Таа во изјава за телевизија Пинк изјави дека безбедносните служби работат на тоа.
„Со нетрпение ги очекуваме извештаите и не ја исклучувам можноста да се случила саботажа.
Таа потсети дека се сменети четворица директори на ЕПС и истакна дека иако некој е непрофесионален, мора да има контролни механизми.
Премиерот на Србија изјави дека илјадници луѓе се без струја, а сега снабдувањето е стабилизирано.
„Мораме да видиме што се случи во синџирот на одговорност. Ниту овој пат нема да бидат заштитени“, истакна Брнабиќ.
Таа рече дека за денеска е закажана средба во Претседателството, која ја свика претседателот Александар Вучиќ на која ќе се разговара за енергетската состојба.
„Тоа е голема борба, даваме се од себе да добиеме поквалитетен јаглен и да продолжиме со снабдувањето со електрична енергија“, рече премиерот.