Владата на Бугарија го одобри нацрт Протоколот на Северноатланската спогодба за пристапување на Македонија во НАТО.
Со истата одлука, Советот на министри го овласти привремениот администратор на Постојаната делегација во НАТО да го потпише протоколот за пристапување, информираат бугарските медиуми.
Откако амбасадорите на сите земји членки на НАТО ќе го потпишат протоколот, ќе следи усвојување на документот во националните парламенти на државите. Се очекува Грција да биде прва земја што ќе го ратификува.
Процесот на ратификација на протоклот ќе се води забрзано. Македонија би можела да стане членка на НАТО веќе на Самитот во јули.