Бугарскиот министер за здравство д-р Стојчо Кацаров на брифингот во Советот на министри изјави дека Бугарија ќе може да оддели од своите вакцини за балканските земји. Меѓутоа, кога, ќе зависи од дозволата на Европската Унија.
-Добивме барање од Македонија, Босна и Херцеговина, Косово и Албанија дека сакаат да примат вакцини од нас. Постапката се покажа како многу тешка – дали ќе бидат продадени или донирани, ќе биде потребно време додека не се согласи Европската комисија, објасни тој.
Министерот дополни дека испратиле барање до ЕК изминатиот петок.
-До крајот на денот треба да добиеме одговор со кој механизам ќе се случи ова нешто. Нашата желба е да помогнеме, рече министерот за здравство Кацаров.
Македонскиот премиер Зоран Заев неодамна најави дека преку Црвениот крст на Бугарија на Македонија ќе се донираат 50 илајди вакцини против ковид-19.