Светот сега е сведок на „морална катастрофа“. Додека децата и адолесцентите се вакцинираат во некои богати земји, здравствените работници во сиромашните нации остануваат без нив, рече извршниот директор на Светската здравствена организација Тедрос Аданом Гебреизус во петокот, пишува Политико.
„Во неколку богати земји кои го откупија најголемиот дел од вакцините, сега се вакцинираат групи со помал ризик“, рече тој. „Ги повикувам да размислат и наместо тоа да донираат вакцини на COVAX“.
Посочувајќи на фактот дека само 0,3 проценти од вакцините одат во земји со ниски примања, Тедрос рече дека снабдувањето во земјите со ниски и пониски средни примања не е ни доволно за да се имунизираат здравствените работници, а болниците се преполни со случаи.
САД и Канада ја одбрија вакцината BioNTech / Pfizer за деца на возраст од 12 години. Сепак, во четвртокот Кејт О’Брајан, директор на одделот за имунизација на СЗО, рече дека само затоа што вакцината е овластена за деца, не значи дека земјите треба да им даваат приоритет.
Вакцините се достапни за тинејџери на возраст над 16 години низ САД, а оние на возраст од 12 до 15 години веќе можат да добијат вакцина во некои држави.
