Легенадрниот актер Димче Мешковски, се присети на дружбите со својот колега Ванчо Петрушевски, кој почина во саботата, од струен удар во својата викендичка во скопско Орешани.
„ Овде, во театарското бифе е моето легло. Тука се збиравме со Ванчо, Гоце, Дади, Стево Спасовски, Коле Ангеловски. Доаѓаа актери и пејачи од цела Југославија, тука мезевме убав пинџур со домашна ракија, игравме табла и пеевме песни. Сега, се помалку и помалку актери доаѓаат овде. Таа дружба меѓу колегите е многу битна за да опстои и за да расте еден театар, и за да има квалитет и можности за подобри претстави“, ни рече Мешковски.