Во 21 од вкупно 23 сојузни држави во Венецуела вчера потонаа во мрак поради cаботажа во главната електроцентрала Гури, се наведува во извештајот на Националната корпорација за електрична енергија.
И главниот град на Венецуела, Каракас остана без електрична енергија, нема метро, како и телефонски и интернет услуги.
„Cаботиран е централниот генератор… тоа е дел од вojнaтa против државата. Ние нема да го дозволиме тоа и работиме на повторно воспоставување на системот за електрична енергија“, се наведува во соопштението на Националната корпорација за електрична енергија
Прекините во снабдувањето со електрична енергија се чести во Венецуела. Според експертите тоа е поради недостиг на инвестиции во инфраструктурата, додека властите тврдат дека се саботира системот за електрична енергија.
Пред неколку години претседателот на Венецуела, Николас Мадуро нареди apмиjата да ги чува хидроелектричните генератори, но и покрај тоа повторно има прекини во снабдувањето со електрична енергија. (МИА)