Бројот од 1.860.000 регистрирани граѓани што го наведува Заев е груба невистина и го поставува прашањето како бројот на регистрираните граѓани одговара на бројот на избирачи. Дали тоа значи дека во Македонија нема население под 18 години, се прашува Иван Стоилковиќ во разговор за Спутник.
Од 1991 година, кога бројот на Србите на пописот во Македонија беше драстично намален, секое споменување на новиот попис отворше голем простор за српската национална заедница да се сомнева во неговата регуларност.
Иван Стоилковиќ, претседателот на Демократската партија на Србите во Македонија, пописот го нарече весела математика која нема за цел да го покаже реалниот број на населението во Македонија, туку да ги задоволи очекувањата на Албанците.
„Првиот ден по завршувањето на пописот, бев поканет од 50 -тина луѓе кои живеат во станбени блокови во Скопје, и кои воопшто не беа попишани. Значи, тие се надвор од секоја евиденција. Второ, пописот траеше од 5 до 30 септември, и за 22 дена, според овие бројки, беа попишани 75% од граѓаните. Притоа, никој не сак да објасни како е можно другите 25 проценти од населението да се попишат за три дена. Тоа едноставно не е возможно и тоа е јасен показател дека целиот процес на пописот е погрешен и во суштина и во содржина“, рече Стоилковиќ, кој во неколку наврати предупреди за пропусти и нерегуларности во процесот на пописот во Македонија.
Сега, смета тој, вратата е отворена за граѓаните да се сомневаат не само во процесот на пописот, туку и во неговите резултати. Самата пописна операција очигледно е алиби за некои нови процеси, на што, предупредува, ќе бидеме сведоци во наредниот период.
Тој вели дека веќе при изготвувањето законски решенија, било јасно дека пописот ќе биде несоодветен за потребите на Македонија, кои се регулирани со Охридскиот договор и Уставот на Македонија, и кои на уставен начин ја третираат националната застапеност во Македонија. Ова значи дека правата и обврските што ги уживаат граѓаните во Македонија треба да бидат директно зависни од бројот на припадниците на националните заедници. Наместо тоа, предупредува тој, беше усвоено правно решение од „мека“ државна пописна комисија и директор на државната пописна комисија кој немаше одговор на ниту едно од прашањата поставени за пописот. Кога станува збор за Македонија, наведува тој, тогаш се можно.
На прашањето за очекувњата од резултатите од пописот, Стоилковиќ рече дека објаснувањето лежи во уцената на коалициските партнери и албанскиот блок бидејќи актуелната влада е директно зависна од албанските политички партии.
„Доколку не се исполнат нивните барања, Владата ќе падне, а потоа носителите на јавни и одговорни функции во Македонија ќе завршат во затвори. Влогот е голем, а цената е голема“, смета Стоилковиќ.
Стоилковиќ вели највисока цена ќе платат Србите, заедно со турската заедница. Зголемувањето на бројот на Албанците во Македонија нема да биде изводливо, предупредува тој, без да се намали бројот на Србите и Турците.
„Не верувам дека бројот на дополнителни Албанци ќе се бара на друго место. Од друга страна, на Денот на српското единство, слобода и државно знаме, ги поканивме сите Срби во Македонија да се обележат и на некој начин да се наведат и да го посочат своето присуство во Македонија. И тоа беше нашата листа“.
Коментирајќи ја изјавата на премиерот Зоран Заев дека Македонија има НАТО во едната рака и пописот во другата, Стоилковиќ вели дека во таа земја се е можно, и дека луѓето повикуваат на некои работи без вистински аргументи и покритие.
„Да, Македонија стана членка на НАТО, но тука прашувам колку се зголемија инвестициите со тој факт. Сигурен сум дека во Македонија се случува спротивен процес и дека инвестициите се помали отколку што беа пред влезот во НАТО. Исто така, не треба да заборавиме дека Македонија на некој начин е членка на НАТО од нејзината независност. Самото членство е формалност. Поврзувањето на пописот со НАТО е отворање на Пандорината кутија, бидејќи Македонија е полна со внатрешни проблеми, а пописот и неговите резултати се процес што треба да доведе до федерализација на Македонија“, заклучи Стоилковиќ.
