Шефицата на европската дипломатија Федерика Могерини, по вчерашниот ладен прием во Скопје, доби уште еден „шамар“ во Белград денес откако пратениците во српското Собрание почнаа да скандираат „Србија, Русија не ни треба Унија“
Пратениците од Двери со лидерот Бошко Обрадовиќ молчејќи стоеа со написи на кои на српски и англиски јазик пишуваше „Србија не верува во Брисел“, додека радикалите на Шешељ скандираа и удираа по пратеничките клупи.
Пратениците на Српската радикална партија, ден во очи на седницата најавија дека претседателската кампања ќе ја започнат со попречување на посетата на Могерини.
На почетокот, Могерини ги поздрави пратениците со „добар ден“ на српски, наведувајќи дека и е чест што се обраќа во домот на српската демократија. Обраќањето не го прекина и покрај скандирањето, освен тоа што еднаш се осврна кон пратениците кои скандираа.
https://www.youtube.com/watch?v=8LKQ1F9CL58