Поголема облачна и нестабилна маса од север се спушти кон нашето подрачје северните и североисточните делови, вклучувајќи ја Скопската котлина ги зафати силно невреме, проследено со град, силен ветер и грмотевици, соопшти УХМР.
Граѓаните јавуваат дека градот со големина на орев предизвикува ошететувања на автомобилите, а од силината на ветрот забележани се и паднати дрвја низ Скопје.
Невремето што почна во 17 часот се уште трае, со послаб интензитет.
Во овој момент поизразена нестабилност има во околината на Чашка, со пороен дожд, грмежи и можна појава на град. Системот се движи кон исток-југоисток во правец кон Градско.
Неколку улици и булевари во моментов се под вода, а има и заглавени автомобили.
