Хаир Болсонаро, водечкиот претседателски кандидат во Бразил, вчера беше избоден со нож за време на конвенција. Неговиот син соопшти дека раната не е опасна по живот.
Бројните снимки на социјалните мрежи прикажуваат како Болсонаро, чија изборна програма опфаќа и намалување на стапката на криминал во најбројната јужноамериканска држава, е прободен во долниот дел на стомакот.
https://twitter.com/franciscomacsoa/status/1037795444607385600?ref_src=twsrc%5Etfw%7Ctwcamp%5Etweetembed%7Ctwterm%5E1037795444607385600%7Ctwcon%5Elogo&ref_url=https%3A%2F%2Frepublika.mk%2F957159
Полицискиот портпарол Флавио Сантијаго потврди за Асошиејтед прес дека Болсонаро бил прободен и дека напаѓачот е фатен. Тој додаде дека Болсонаро е во болница и дека е во добра состојба.
Болсонаро, поранешен воен офицер, е прв според популарноста во анкетите, пред поранешниот левичарски претседател Луис Инасија да Силва, кој е во затвор, но во тек е жалбена постапка. Инаку, Болсонаро со носталгија зборува за периодот на воената диктатура од 1964 до 1985 и ветува дека владата ќе ја наполни со сегашни и поранешни воени лидери.