Во емисија за политички прашања што се емитувала во живо на руската телевизија НТВ дошло до тепачка меѓу укрански политиколог и водителот на емисијата.
До физичката пресметка дошло по расправата за ситуацијата во источна Украина. Најпрво вербалната пресметка почнала меѓу украинскиот политиколог Дмитриј Суворов и гостинот, Андреас Маурер, германски политичар.
https://www.youtube.com/watch?v=GlNynTmVcP0
Маурер рекол дека во нападите во источна Укрина поточно во Донбас загинале 200 деца. Суворов го демантирал ова и побарал релевантни докази за овие наводи.
Како што објави „Спутник“, во намерата да ги смири тензиите, водителот Андреј Норкин се обидел да го фати Суворов за рамо, на што Украинецот жестоко реагирал, по што настанала тепачка.
„Читам многу коментари за тоа дека наводно ме натепале. Смешно е кога ги читам наводите дека Норкин го истепал Суворов, јасно се гледа дека тој тргна кон мене и ме нападна, а јас тргнав во контранапад, но ме спречија. Неколку луѓе против еден, типичен руски свет. Не можам да кажам дека победив, но не ни изгубив“, напишал Суворов на Фејсбук.