Најтрофејниот македонски фудбалски клуб Вардар, утре ја испишува историјата на нашиот фудбал, вардарци за прв пат ќе истрчаат на европски натпревар од групната фаза. Утрешниот ден ќе биде вистински празник за македонскиот спорт, па поради тоа и кај навивачите на Вардар расте еуфоријата.
Во стил како што и доликува, вардарци добија силна поддршка од своите фанови на вечерашниот и последен тренинг пред историскиот натпревар, кој се игра утре од 21:05 против рускиот великан Зенит.
Еве како изгледаше атмосферата на денешниот тренинг на вардарци, еве како шоу приредија популарните Комити, кои треба да бидат главната поддршка за европскиот Вардар.
