„Дојдовме да си ја спасиме државата. За Македонија!“ – вели еден од присутните на протестот организиран од ВМРО-ДПМНЕ вечерва. Други пак велат дека излегле за да го искажат револтот поради сите грешки од владеењето на СДСМ и нивната коалиција
„Дојдовме да го искажеме револтот од севкупната состојба во Р.Македонија, за сите грешки на владеењето на СДСМ и нивната коалиција. Значи од потпишувањето на договорт со Бугарија, од потпишувањето на договорот со Грција кај што се продава името на Македонија, катастрофалните еконмски политики, социјални и општествени. Воедно се собираме тука за да го искажеме револтот и да им кажеме да си одат“ – вели граѓанин присутен на протестот.
Пензионерите пак се пожалија дека откако СДСМ е на власт нивниот живот значително бил влошен. Нема покачување на пензиите, напротив се намалуваат. Судството според граѓаните е партиско, а нема ниту слух за најосновните потреби за живот.
Младите апелираат на тоа дека во Македонија е загубена секоја перспектива за иднина. Бараат од Заев веднаш да си замине и да престане тортурата врз државата и граѓаните.
Присутните на протестот апелираа граѓаните да не се плашат на празните закани и уцени, и да не потпаѓаат на притисоците на власта – особено вработените во администрацијата – и слободно да излезат на протести!