(Видео+фото) Голем пожар во стадионот на Реал Мадрид

Стадионот на Реал Мадрид „Сантијаго Бернабеу“ се запали во средата, а загрижувачките слики и видеа наскоро го преплавија Интернетот.

Според шпанските медиуми, дел од стадионот, кој во голема мерка е во фаза на реконструкција, се запалил во средата вечерта.

Снимките објавени на социјалните мрежи покажуваат чад од стадионот.

Пожарот набргу беше изгаснат и нема да има поголема опасност, се додава во извештајот на локалните медиуми. Засега е непознато дали има повредени.

„Кралскиот клуб“ оваа сезона речиси и да не играше на „Сантијаго Бернабеу“, бидејќи претседателот на клубот, Флорентино Перез, го искористи фактот дека оваа година нема навивачи за да го модернизира.

Најпознатиот стадион во Шпанија прими 81.044 луѓе пред реновирањето, а беше изграден во 1947 година.