(Видео) Андоновиќ: Тaлибaнцитe пpeд цeлocнo ocвojyвaњe нa Авганистан, САД се пoвлeкyвaaт, Европа пpeд зakaнa зa нoв бeгaлcки бpaн

Поврзано

- Advertisement -
- Advertisement -

Напредокот на талибанците низ северен Авганистан е забрзан, со неколку области окупирани од авганистанските сили до недела, соопштија властите во Кабул, повикувајќи се на стотици авганистански сили кои бегаат преку границата кон соседен Таџикистан.

Повеќе од 300 припадници на авганистанската армија преминаа од авганистанската провинција Бадакшан кон Таџикистан, во време кога талибанците напредуваат кон границата, изјави таџикистанскиот државен комитет за национална безбедност.

Во соопштението се додава дека таџикистанските власти „водени од принципите на хуманизам и добрососедство“ им дозволиле на авганистанските сили да преминат во Таџикистан.

Талибанците сега контролираат околу една третина од 421 округ и окружни центри во Авганистан.

Преставниците на талибанските сили соопштија дека сите странски трупи што ќе останат во Авганистан по повлекувањето на НАТО во септември ќе се сметаат за окупатори.

Враќањето на Талибанците и нивното повторно освојување на Авганистан уследи откако американската армија по 20 години воено присуство си замина од земјата.

Последните американски сили ја напуштија воздушната база Баграм во Авганистан, епицентар на војната против талибанците и Ал Каеда, во последните 20 години, соопшти Вашингтон, а американскиот Стејт департмент потенцираше дека апсолутно не е точно дека Соединетите држави имаат намера да го напуштат Авганистан и покрај повлекувањето на трупите од таа земја.

„Воените сили, се повлекуваат но имаме намера да го задржиме дипломатското присуство во Кабул“, рече преставникот на американскиот Стејт Департмент.

Тој истакна дека плановите на американската администрација се одржување на континуирано партнерство со авганистанската влада и со народот во Авганистан.

И Германските трупи целосно се повлекоа од Авганистан по дведецениската воена мисија која според многумина западните сили ја оставија земјата во полоша состојба отколку кога ја презедоа западните мировници. За тоа време не започнала никаква терористичка операција од територијата на Авганистан кон Европа, но, има стотици илјади мигранти, кои сакаат или успеале да дојдат во Европа од кои добар дел без никаква желба да се прилагодат. Австрија во моментов минува низ болно искуство на невозможна интеграција. И, нов бран авганистански бегалци се подготвува за Европа, сметаат дел од европските политичари.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This