По локализирањето на пожарот близу село Будинарци, во Беровско се уште активен е пожарот кај месноста Грбавец помеѓу селата Митрашинци и Будинарци. Моментално со акцијата за гаснење раководи словенечката единица, а на терен се и австриската и бугарската противпожарна единица, која поради локализирањето на пожарот кај Будинарци го премести својот пункт кај новото жариште.
Во тек е воспоставување на контрола врз шумскиот пожар со контролиран контрапожар од страна на словенечките пожарникари со подршка на припадници на македонската полиција и шумска полиција.
