Во бразилската држава Минас Жераис, најмалку десет лица загинале во сообраќајна несреќа кога автобус слета од надвозник.
Фотографиите и видеата објавени на социјалните мрежи покажуваат дека автобусот паднал од голема височина врз железничка пруга и се превртел настрана, додека од него се издигнува чад, откако слетал од висина од 15 метри, пренесува АП.
Радио станицата ЦБН објави дека бројот на жртви достигнал 14 лица и дека над 20 се повредени.
