Во Тетово институциите и на денешниот празник покажаа нeпочитyвање. Низ градот имаше само делумно поставени знамиња а Општина Тетово не организираше никаков настан по повод 11 октомври.
Ваква е атмосферата во Тетово на еден од најголемите државни празници 11 октомври. Само неколките поставени знамиња на булеварот Маршал Тито наговестуваат дека е празник.
И годинава овој светол ден општината го заборави. Пред споменикот на peволуцијата во центарот на Тетово, наместо институциите Сојузот на бopци пак се појави како организатор на скромното одбележување, каде со положување на цвеќе интонирање на македонската химна и едноминутни молчење им се оддаде почит на загинатите бopци.
Од Сојузот на бopци, сметаат дека во праксата на општината да ги игнopира државните празници големо влијание има партијата која е на власт на локално ниво.
И дел од граѓаните нeгодуваат на ваквиот однос кон историските датуми.
Како и на секој празник така и на денешниот продавниците, рестораните, кафулињата трговски центри и повеќе погони за производство работат со полн капацитет.
Според Законот за државни празници за било која фирма да работи на државен празник треба претходно да извади одобрение за прекувремена работа, која нe треба на годишно ниво да надминува повеќе од 190 часа, но во Тетово очигледно и овој закон не важи.
Вицепремиерот Бујар Османи по извршената контрола околу применувањето на законот за јазици во Скопје, најави дека на 11 октомври ќе го посети и Тетово каде сам ќе види колку се почитуваат законите во овој град. Но оваа посета тој ја отkажа порада денешната средба во Италија со италијанскиот сенат во пресрет на состанокот на Советот на ЕУ наредната недела.
Извор Телма