Македонската ракометна репрезентација вчера го доживеа и вториот пораз на Европското првенство, по што нашите ракометари и официјално се враќаат назад во Македонија и го завршија својот настап на првенството. Сепак двата пораз не им го променија мислењето на македонските навивачи кои знаат дека македонските ракометари го оставија срцето на теренот.
Можеби Македонија загуби, но „Сончевата револуција“ го освои главниот град на Австрија, Виена каде македонската фаланга во огормен број „маршираше“ по улиците. Како што се гледа на видеото Македонците со патриотски песни и најпознатата парола „никогаш Северна, само Македонија“ се загреваа пред натпреварите, а во ракометната сала креираа пеколна атмосфера за секој кој што играше против Македонија. Македонските ракометари среде Австрија се чувствуваа како дома! Браво за „ФАЛАНГАТА“!