Православните Христијани денес го прославуваат Богојавление – Водици.
Празникот Водици (Богојавление) народот го празнува како еден од најголемите христијански празници, зашто на тој ден според верувањето Исус Христос е крстен од Свети Јован Крстител во реката Јордан.
Co тоа на овој празник му се дава значење на крштевањето како една од повеќето свети тајни на христијанството.
Крштевањето значи и духовно раѓање, односно почеток на човековото живеење во верата.
Co овој празник завршуваат не само дванаесетте т.н. Некрстени денови туку и циклусот зимски празнувања во кој спаѓаат уште и свеченостите поврзани со Бадник, Божик, Нова Година (Василица) и сл.
Во Македонскиот Православен Храм „Св. Георгиј и Пресвета Богородица“ во Епинг Мелбурн, се одржа утринска богослужба на чело со Отец Климент Станковски, проследена со аукција на Православни икони, и на крај следеше фрлањето на Крстот.
Крстот во Мелбурн оваа година го фати Стефан Атанасоски.
Погледнете го видеото од настанот:
