Илјадници македонски граѓани вечерва се собраа пред собранието на Република Македонија во знак на протест поради мерките на владата кои индиректно ја наметнуваат вакцината како задолжителна преку ограничување на правата и слободите на граѓаните кои избрале да не се вакцинираат. Со транспаренти како „Заштити ја планетата, отстранија ја елитата“, „Мое тело – божја сопственост“, „Моето тело е мој избор“, „Стоп за присилна вакцинација“ и „Слободата нема цена“ го изразија своето незадоволство од мерките во земјава и ѝ ставија до знаење на власта дека нема да молчат.
Народот едногласно, сплотено, во огромен број побара од власта да ги укине овие фашистички мерки.
Граѓаните се против присилна вакцинација со вакцина која сѐ уште е во фаза на тестирање и која е одобрена само за итна употреба, а чии негативни, но и позитивни ефекти сѐ уште не се целосно истражени.
Мерките на власта, заедно со наметнувањето на вакцинацијата, за кои нема никаква научна поткрепа дека ќе ја сузбијат пандемијата, предизвикуваат сериозно кршење на човековите права, како и кршење на одлуката на Европскиот суд за човекови права во Стразбур според која државите не смеат да воведат задолжителна вакцинација.
