Многу студено време погоди многу земји на почетокот на оваа година, но од Алжир пристигнуваат скоро неверојатни вести – падна снег во Сахара, една од најжешките и најсуви пустини во светот.
Снегот е снимен во околината на саханскиот град Аин Сефра во Алжир, а необичните сцени ги споделил на неговите профили на социјалните мрежи фотографот Карим Буетата.
Температурата падна на минус три степени.
Аин Сефра, град познат уште како „Портата на Сахара“, се наоѓа во подножјето на планините Атлас, а необичната глетка на снег во пустината во овој град се случи по четврти пат во последните 40 години.
