Германската канцеларка Ангела Меркел пристигна во Москва каде се сретна со рускиот претседател Владимир Путин, а на почетокот на средбата изјави дека и покрај несогласувањата меѓу Германија и Русија, има за што да разговара со својот руски колега. Разговорите траат повеќе од два часа.
Таа спомена некои од темите за разговор, а тоа се ситуацијата во Авганистан и Либија , како и други горливи прашања за актуелната политичка ситуација во светот.
„Ова е моја проштална посета, но имаме за што да разговараме“, рече таа.
Поздравувајќи ја Меркел во Кремљ, Путин рече дека Германија е еден од основните партнери на Руската Федерација. Покрај тоа, нагласи тој, трговската соработка е двојно зголемена и покрај намалените економски показатели.
Тој, исто така, рече дека посетата на Меркел не е само збогум, туку е заситена со конструктивни прашања што треба да се разгледаат лично.
