Неколку пожари горат во Турција. Екипи на терен се обидуваат да го контролираат пожарот во областа Аланија во Анталија. Пожарот, од засега неутврдени причини, избувнал во шумска област во населбата Јеникој.
На терен има голем број екипи кои се обидуваат да го контролираат пожарот што се приближи до населбата од воздух и од копно.
Шумскиот пожар се приближи и до хотелскиот комплекс во Милас во областа Мугла.
Екипи работат на гаснење на шумски пожар што избувна во Ајинџик во провинцијата Мерсин, во југоисточна Турција.
Бројни туристи ги напуштаат хотелите во регионот Анталија.
Пријавени се три смртни случаи, а повеќе од 100 се повредени откако пожарникарите се борат со пожарите што го зафатија медитеранското одморалиште на јужниот брег.
Во соопштението на Турската канцеларија за управување со катастрофи и управување со вонредни состојби се вели дека вчера избувнале пожари на четири точки во областа Манавгат во Анталија.
