Во Солун се одржа протест против недопустливото империјалистичко мешање на САД во Куба, а демонстрантите по тој повод го запалија американското знаме, пренесува Спутник Грција.
Протестот се одржа во близина на Генералниот конзулат на САД во Солун, а во него учествуваа неколку десетици луѓе.
„Заканите нема да ја скршат државата на Фидел! Држете ги рацете подалеку од комунистите!“, скандира демонстрантите. Во еден момент, тие истурија запалива смеса врз американското знаме, а потоа го запалија.
Демонстрантите држеа плакати на кои пишуваше „Куба не е сама! Таа ќе победи!“, „Тргни ги рацете од Куба!“, „Без блокада“, „Солидарност со кубанскиот народ“.