Најмалку две лица се повредени, а шест куќи се оштетени при пад на американски воен авион во градот Лејк Ворт, Тексас, соопштија локалните власти.
Според Ен -Би -Си, две или три лица биле префрлени во болница каде им била укажана помош по падот на авионот, според податоците на полицијата во Форт Ворт.
Едното лице е во критична состојба и е пренесено во болницата Паркленд во Далас, а другото е префрлено во болницата Форт Ворт Методисти Харис.
Очевидци за Ен -Би -Си 5 изјавиле дека виделе како пилотите се катапултираат од авионот, како и дека еден од нив е тешко повреден откако се заплеткал во далекуводот.
“Бев во автомобилот кога пилотот слета на далекуводот пред мене. Додека возев, слушнав силна експлозија, а разни делови го погодија автомобилот”, изјавила очевидецот Кера Кемп.
Во текстот не е наведено за каков тип на авион станува збор.
Полицијата ги предупреди граѓаните дека доколку најдат делови од урнатиот авион, не треба да ги допираат.
https://www.youtube.com/watch?v=bVQsjxqxW9I
