На социјалните мрежи секојдневно гледаме секакви ‘будалаштини’, кои многу често се за сериозна осуда, но уште почесто поминуваат без било каква, во најмала рака – опомена.
ТикТок е релативно нова апликација на која се појавува најконтроверзната содржина која може да ја видите на интернет во последно време.
Имено, видеото кое денеска привлече внимение е направено од ТикТок корисничката Анита Арџиќ, која вози низ македонските патишта со неверојатна брзина од 240 км/ч.
Засега не е позната возраста на девојката која го направила ова запрепастувачко видео, веројатно со цел да привлече повеќе следбеници и лајкувања на споменатата социјална мрежа.
„Уште една Тиктокерка лудува низ македонските патишта, со 240 км/ч. Министре Спасовски, работите вие нешто?“, напишал во описот Твитер корисникот под името Виќо Инспектор, кој прв апелираше за ова видео.
