Станува збор за огромна трагедија особено ако земеме во предвид дека животите ги загубија 12 деца, ијзави државниот јавен обвинител, Љубомир Јовевски веднаш по пристигнувањето на местото каде што 45 македонски граѓани ги загубија своите живот во Бугарија.
Се договоривме за натамошна соработка за разјаснување на сите околности во врска со оваа трагедија истакна Јовевски.
Бугарскиот директор на Националната истражна служба која е дел од органите на обвинителството открива дека во моментов е обавен разговор со само двајца од преживеаните во несреќата бидејќи само тие биле контактибилни и можеле да посведочат за несреќата.
Тој истакна и дека има останати сведоци кои ќе посведочат за настанот, но прерано е да се коментираат причините бидејќи се чека потребната техничка документација.
Борислав Сарафов изјави дека во моментов нема информации дека во автобусот се превезувало дополнително гориво.
