Полицијата како терористички чин го третира нападот изведен вечера во Париз во кој близу канцеларијта на старичното списание Шарли Ебдо се избодени најмалку две лица. Тоа списание исламистичките милитанти го нападнаа пред 5 години.
Полицијата објави дека поради поврзаност со нападот се уапсени вкупно седум лица.
Премиерот Жан Кастекс претходно изјави дека се избодени четири лица, но полициски извор подоцна рече дека се работи за две лица, од кои едно лице е тешко повредено.
Видео линкот може да го погледнете тука.
„Бев во канцеларија. Слушнав вресоци на улица. Погледнав низ прозорец и видов жена како лежи на земја. Го видов и другиот сосед како лежи и му притрчав на помош“, изјави очевидец.
Полицијата соопшти дека едно лице е уапсено кај операта Бастиља. Радио Европа 1, повикувајќи се на полициски извори, пренесе дека е уапсен 18-годишен Пакистанец од претходно познат на службите за безбедност. Еден полициски извор изјави дека на самото место е пронајдена мачета, а други дека се работи за сатар.
Инцидентот го истражува противтерористичкиот оддел на обвинителството.
Трае судењето за напад во кој се убиени 12 лица
Во Париз на 2 септември почна судењето против 14 луѓе обвинети за учество во нападат на Шарли Ебдо во јануари 2015 година во кој се убиени 12 лица. На судот беше кажано дека мотив за нападот бил одмазда кон списанието кое објавило навредливи карикатури од пророкот Мохамед.
Полицијата претходно оваа недела го пресели шефот за човечки ресорси во Шарли Ебдо од неговиот дом откако добил закани со смрт.