Скандалозно видео од училиште во Прилеп вирално се шири по социјалните мрежи.
На видеото се гледа како голем број книги за кои се претпоставува дека се учебници како бостан се товарат во камион.
Ваквото видео ги разгневни граѓаните кои велат дека ова што го прави денес Владата потсетува на она што се случувало во нацистичка Германија.
Добредојдовте во Нацистичка Ѕеверна на @mila_carovska.
Во Прилеп вчера.
Купишта учебници завршиле во трактор на Комуналец и потоа на ѓубриште.
Е вака почна Нацизмот на Хитлер, и знаеме како заврши.
Наводно стари биле учебниците, место држеле.
Ова е трагично.
Полудеа комуњариве. pic.twitter.com/UDNRhdQ7KC— Фортификација (@Fortiifikacija) October 8, 2021
Ова се случува откако министерката за образование Мила Царовска изјави дека би ја пријавила во МВР секоја книжарница која продава комплет учебници за четврто одделение, одговори таа на новинарско прашање дали имала сознанија дека ова се случува низ земјата.
– Бирото за развој на образованието нема издадено одобрение на никого за печатење примероци. Ако ми посочите каде се наоѓаат, тогаш јас тоа директно би го пријавила во Министетството за внатрешни работи како што направив и во претходни случаи кога имав сознанија дека такво нешто се случило и каде што имаше постапување, изјави Царовска по учеството на конференција за унапредување на финансиската едукација на учениците од средните стручни училишта.
– Секој родител кој се обидува на ученикот да му наметне печатен учебник прави штета, не му прави добро, затоа што користење дигитални улчебници е свесно поставено така за да добиеме и подобра дигитална псименост, но и да им посочиме на учениците дека користењето електронски уреди не се само за играње, туку се и места за учење и примање знаење, истакна Царовска.
