Видео за 20-те земји со најголем број смртни случаи од коронавирус на милион жители беше објавено на каналот Јутјуб од Норвешка, Animated Stats.
Податоците се прикажани од крајот на јануари минатата година, кога беа регистрирани првите смртни случаи во Кина, до средината на овој месец.
Македонија на 2 јули 2020 ќе се најде за прв пат во Топ-20 земји по број на смртност со околу 150 починати на милион жители. Пикот го достигнува во декември минатата година кога земјата со околу 1.000 смртни случаи на милион жители ќе се искачи на третото место. Потоа следува пад, а по подолго време земјата во јули годинава повторно се искачува на четвртата позиција со околу 2.500 починати. Симулацијата завршува на 14 октомври, кога Македонија е на третото место во светот со нешто повеќе од 3.300 починати на милион граѓани.
Перу е на прво место со скоро 6.000 смртни случаи на милион жители. Меѓу 20 -те земји од нашиот регион се и БИХ, Црна Гора, Словенија и Хрватска.
