е стивнува чадот од депонијата на Буково. Страшната и неподнослива миризба на запален отпад цело лето им е секојдневие на жителите од околните села, а ниту локалната ниту централната власт немаат никакво конкретно решение за овој горлив проблем.
Граѓаниските активисти велат тоа што се случува на Буково е и повеќе од алармантно.
Жителите на селата кои гравитираат близу депонијата велат буквално не се дише, а респираторните болести кај нив одамна веќе зеле замав. Загрижени се за своето здравје.
Депонијата на Буково е една и од поголемите забелешки на УНЕСКО и требаше да биде затворена уште лани, но досега нема ниту конкретен план ниту пак локација на која би се изградила нова регионална депонија според еколошките стандарди која би ја заменила оваа веќе постоечката. Граѓанските активисти велат се’ тапка во место, додека граѓаните се гушат во чад.
Од комуналното претпријатие велат дека прават се што е во нивна моќ, но не можат да постигнат оти упорно и упорно непознати сторители го палат секој нов дотур на отпад на депонијата. Од Општината пак немаат план како ќе го решат овој проблем,само се конкретни дека не можат сами.
Од Министерството за животна средина како последна локација за изградба на депонија се споменува Битола, но дефинитивна одлука сеуште нема.