Дебарско-кичевската епархија ги известува православните верници дека во недела, на 26-ти декември 2021 година, во манастирот св. Климент и Пантелејмон – Плаошник – Охрид, на празникот на „Св. Праотци; св. маченици. Евстратиј, Авксентиј, Евгениј, Мардариј и Орест“, ќе се служи света архиерејска литургија.
Со литургијата ќе чиноначалствува Неговото Блаженство Митрополитот Скопски и Архиепископ Охридски и Македонски и на Јустинијана Прима г.г. Стефан, во сослужение на повеќе Архиереи на МПЦ-ОА.
По повод јубилејот 40 години архиереј и 70 години на Митрополитот г. Тимотеј, ќе се одржи и промоција на книгата „Манастирите во Дебарско-кичевската епархија“. Промотор ќе биде Архиепископ г.г. Стефан.