Претседателот на ВМРО-ДПМНЕ, Христијан Мицкоски во гостувањето во емисијата „Само вистина“ вели дека СДСМ ветуваат работи кои не можат да ги исполнат и затоа се обидуваат преку кршење на законите да ја убедат јавноста дека тоа е правилниот начин на работа.
Во врска со повторното гласање на договорот со Грција во собранието Мицкоски потенцираше дека пратениците на ВМРО-ДПМНЕ повторно нема да учестуваат во гласањето на овој капитулантски договор.
-Политиката на ВМРО-ДПМНЕ е принципиелна, чесна и искрена и спрема граѓаните на република Македонија но и спрема гласачите кои ја дадоа довербата на ВМРО-ДПМНЕ и коалицијата. Ние не сакаме да бидеме учесници во ова капутуланско дело кога се предаваат националните и државните интереси на Македонија, рече Мицкоски.
Претседателот на ВМРО-ДПМНЕ додаде дека се подготвува кривична пријава за сите инволвирани лица во потпишувањето на овој договор. Тој додаде дека пратеничката група на ВМРО-ДПМНЕ има принципиелен став и нема повеќе да се толерира кршење на деловникот и процедурите.