Се препорачува да се имунизираат сите здрави луѓе, кои немаат тешки хронични заболувања, и клинички манифестации во моментот и над 16-18 години. Задолжително е претходна консилтација со личниот лекар за да се нагласат сите индикации и контраиндикации за вакцината. Ова се наведува во изјавата на Бугарската академија на науките во врска со претстојната кампања за вакцинација против КОВИД-19, објави репортерот на БГНЕС.
Во мислењето се наведува дека ова подразбира брза организација на широки масовни медиуми и институционална кампања, така што лекарите и граѓаните можат да бидат многу добро информирани при донесувањето на одлука за вакцинирање која е од голем личен и јавен интерес.
Бугарската академија на науките вели дека во отсуство на специфичен и ефикасен лек против инфекција со коронавирус, што современата медицина го нема, освен строго почитување на анти-епидемиските мерки, единствената опција е вакцината.
„Ова е докажано со огромното, долгогодишно искуство што човештвото го стекна во борбата против заразни болести. Вакцината која е безопасна и има ефикасност од најмалку 50-60% (т.е. создава имунитет кај толкав процент од имунизираните) ќе има огромна улога во ограничувањето на инфекцијата. За жал, податоците што ги имаме досега покажуваат дека колективниот имунитет кон коронавирусот е многу бавен и практично е тешко да се постигне природно (што е исто така поврзано со големи етички и морални предизвици), затоа вакцините ќе помогнат многу“, се вели во соопштението.