Високиот претставник на ЕУ за надворешна политика, Хосеп Борел, соопшти дека шефовите на диплоиматиите на земјите членки на ЕУ, утре ќе имаат онлајн средба во Брисел за да ја разгледат новонастанатата ситуација во Авганистан.
Борел најави дека „првата проценка“ ќе се направи преку видео конференција и додаде дека Авганистан во моментов се наоѓа „на крстопат“.
Во прашање е безбедноста и благосостојбата на граѓаните на Авганистан, како и меѓународната безбедност – изјави Борел, пренесува бриселски „Политико“.
Во Брисел денеска попладне ќе се одржи седница на Комитетот за политика и безбедност на ЕУ, во кој учествуваат амбасадори на земјите-членки на ЕУ, и кои ќе разговараат за ситуацијата во Авганистан.