Во Словенија ќе може да се влезе со негативен брз тест, а владата најави натамошно олеснување на мерките за следната недела, пренесе Н1.
Од крајот на минатата година во Словенија беше дозволено влегување во земјата без да се седи во карантин само со негативен ПЦР-тест, освен во исклучителни случаи, како што се медицинска, образовна или семејна грижа.
Како што најави Владата, влегувањето во Словенија отсега ќе биде можно со негативен брз тест, под услов да не поминале повеќе од 48 часа од земањето на резултатите до пристигнувањето на границата.
Хотелите ќе можат да пополнат три четвртини од капацитетот за сместување доколку гостите се вакцинираани, прележале ковид или имаат негативен тест, а истите правила важат и за базените кои исто така се отвораат.