Силно невреме го зафати Шибеник во саботата кога за само еден час паднале дури 50 литри дожд по квадратен метар, пренесуваат локалните медиуми.
Освен Шибеник, голема количина дожд е забележана во Водице, пренесува „Индекс.хр“. Големите дождови предизвикаа поплава во центарот на Шибеник.
Освен тоа, во регионот на Шибеник за само еден час се забележани дури 1500 удари од громови, кои предизвикаа еден дел од градот да остане без струја.