Вријат социјалните мрежи со реакции, откако попладнево на почетниот натпревар на евро-квалификациите Македонските ракометари загубија од репрезентацијата на Грција во салата во Кожани
За поразот да биде дотолку поболен, некаде на средина на првото полувреме, беше променета и ознаката на бодовната табла од „МКД“ во „ФЈР“, а на дресовите на играчите не беше испишано името на репрезентацијата – Македонија – бидејќи грчката ракометна репрезентација се заканила дека нема да настапи доколку во салата во Кожани има испишано „Македонија“.
Реагираше Игор Дурловски, кој на својот ФБ профил напиша:
„И јас не би се борел за држава без име!“ – напиша Дурловски.
„Вечерва ниту настапи а ниту пак изгуби Македонија. Former Yugoslav Republic – FYR се 6 републики а не беше наведена ниту една. Можда ракометарите можат да ни ја разрешат дилемата и да ни кажат чии точно дресови се нафатија да облечат?“ – пишува Китановски.
„Ова ли е идентитетот кој го зајакнавте?
Не смееме да го користиме повеќе името Македонија?
Паднавме само на бивша југословенска република?
Ова ли е шансата што не смеевме да ја пропуштиме?
Ова ли е тој историски договор кој нуди најдобри позиции за Македонија?
Ова ли е вољата на мнозинскиот македонски народ што не ја испочитувавте на референдумот?
Буди се народе Македонски, буди се Македонијо почнаа да ми те бришат од секаде!!!“ – напишаа од движењето #Бојкотирам на Фејсбук.
