Вakцинaтa нa “AстраЗенека” нe ги иcпoлни oчeкyвaњaтa?: Данска и Норвешка нeмa дa вakциниpaaт вoзpacни лицa co вakцинaтa

Поврзано

- Advertisement -
- Advertisement -

Данска и Норвешка во моментов нема да ја даваат вакцината против Ковид-19 развиена од фармацевтската компанија „Астразенека“, на лица над 65-годишна возраст, соопштија денеска националните здравствени власти.

„Ние не го правиме ова дека сметаме оти вакцината не е ефикасна за постарите лица, туку затоа што сè уште нема доволно документирани докази за тоа“, рече Камила Столтенберг, шефица на норвешкиот институт за јавно здравје.

На прес-конференцијата, таа посочи дека испитувањата за вакцината на „Астразенека“ имале малку учесници на возраст над 65 години, така што нема релевантна документација за ефикасноста.

Данската здравствена администрација издаде слична препорака за употребата на вакцини од „Астразенека“ за постари возрасни групи.

Соседните Шведска и Финска, како и Германија, исто така, ги донесоа овие одлуки, повикувајќи се на недоволни податоци oд британско-шведската компанија за проценка на ефикасноста на вакцинацијата кај постарата популација.

Данска и Норвешка засега користат две вакцини развиени од американско-германските партнери „Фајзер“ и „Бионтек“ и американската компанија „Модерна“.

Европската унија минатата недела ја одобри вакцината на „Астразенека“ по препорака на Европската агенција за лекови (ЕМА), која рече дека е безбедна за употреба и дава добар имунолошки одговор.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This