Веќе трет ден дивеат страшните шумски пожари кои го зафатија предградието на Атина од двете страни на крајбрежјето. Сцените се библиски, а луѓето немаат излез. Голем број од нив успеале да избегаат до најблиските плажи, но пред нив вода, а зад нив разбеснети пламени јазици
Според извештаите, најмалку 187 лица, вклучувајќи и 23 деца, се повредени во пожарите. Бројот на исчезнати лица сè уште не е познат.
Грција прогласи три дневна жалост поради пожарот, а премиерот Алексис Ципрас рече дека Грција минува низ досега невидена трагедија.
Инаку, во попладневните часови, грчкото знаме на зградата на владата и парламентот е на половина копје, а сите манифестации беа откажани.
