Вечерва во Кичево пред преполна сала беше промовирана книгата „Кичево и кичевско 1894 – 1904“ од авторот Ѓорѓија Сајковски. На промоцијата присуствуваше и лидерот на ВМРО-ДПМНЕ Христијан Мицкоски.
Книгата го опфаќа периодот на еден од најбурните историски периоди почнувајќи од формирањето на ВМРО, а завршувајќи со илинденскиот и постилинденскиот период и улогата на Кичево. Авторот Сајковски во својата книга на мошне детален начин го опишува тој период.
На промоцијата покрај претседателот на ВМРО-ДПМНЕ Христијан Мицкоски присуствуваа и други чинители од општествениот и политичкиот живот.
