ГАНКА ЦВЕТАНОВА СО ПОВИК ДО ЕЛИЗАБЕТА КАНЧЕВСКА: Јавно и недвосмислено да се произнесе дали ќе гласа за уставните промени!

Екс-министерката за култура од владата на Љубчо Георгиевски, Ганка Цветанова на Твитер ја повика нејзината наследничка во министерството за култура Елизабета Канчевска – Милевска јасно да се произнесе по однос на уставните измени и нејзината одлука да гласа, или не за истите

„Ја повикувам поранешната министерка за култура и пратеничка од редовите на @VMRO_DPMNE Елизабета Канческа Милевска јавно и недвосмислено да се произнесе дали ќе гласа за уставните измени! Барем толку и’ должи на македонската култура која ја застапуваше во изминативе 11 години!“ – пишува Цветанова на социјалните мрежи.

Претходно, екс-министерката за култура во владата на Никола Груевски, се обрати од говорницата на Собранието од каде прочита текст од неколку страници со кој не даде јасен одговор за тоа дали ќе гласа „За“ или „против“ уставните измени.